Oʻzbekiston Respublikasi va Birlashgan Arab Amirliklari oʻrtasida madaniyat sohasidagi hamkorlikni yanada mustahkamlash maqsadida Shayx Zayd nomidagi madaniy-tarixiy meros festivali oʻtkazildi.
Festival tadbirlari doirasida «BAAdagi dunyo» koʻrgazma maydonchasi bu yil birinchi bora tashkil etildi. Unda dunyoga mashhur madaniy diqqatga sazovor joylar, shuningdek, Amirliklarning tarixiy obidalari va ulugʻvor binolar namoyish etildi.
Ushbu festival doirasida 2020 yilning 2-17 yanvar kunlari Oʻzbekiston Respublikasi milliy ekspozitsiyasi ham uyushtirildi. Unda tarixiy eksponatlar, qishloq xoʻjaligi, meva-sabzavot, qandolatchilik, oziq-ovkat, toʻkimachilik, tikuvchilik va trikotaj mahsulotlari, xalq amaliy sanʼati tovarlari, hunarmandchilik mahsulotlari koʻrgazmasi tashkil etildi.
Shuningdek, Oʻzbekiston Respublikasi Madaniyat vazirligining respublika folklor va badiiy jamoalari ishtirokida turli badiiy-musiqiy konsert dasturlari namoyish etildi.
Mavluda Asqarxoʻjayeva
