“INFOLIB UZBEKISTAN-2019” VIII Milliy axborot- kutubxona haftaligi doirasida 2019 yil 30 oktyabr kuni Oʻzbekiston Milliy kutubxonasida oʻtkazilgan «Axborot-kutubxona muassasasining eng yaxshi mutaxassisi — 2019» respublika tanlovi yakunlandi.
Tanlov Oʻzbekiston Milliy kutubxonasi tasarrufidagi Axborot-kutubxona markazlari, Oliy va oʻrta maxsus taʼlim, Xalq taʼlimi, Madaniyat vazirligi tizimidagi axborot-kutubxona muassasalarining mutaxassislari oʻrtasida bosqichma- bosqich oʻtkazildi.
Tanlovning ikkinchi kunida, “Kitobsevar yoshlar — mamlakat kelajagi” mavzusidagi uy vazifasi ijodiy tanlovida jamoalarga oʻzlarining ijodiy qobiliyat va isteʼdodlari, qiziqishlarini toʻliq namoyon etish imkoni berildi. Unda ishtirokchilarning hajviy va hazil-mutoyibali teatrlashtirilgan musiqiy chiqishlari, oʻz kasbiga ijodiy yondashuvi, aktyorlik mahorati, chet tillarini bilishi va jamoada ishlash koʻnikmalari hayʼat tomonidan baholandi.
Tanlov natijalari boʻyicha 1-oʻringa Toshkent shahar “Bilim” axborot-kutubxona markazi jamoasi munosib topildi.
Ikkinchi oʻrinni Jizzax viloyati egalladi. 3-oʻrin Andijon viloyatiga berildi. Navoiy viloyatiga 4-oʻrin, Namangan viloyatiga 5-oʻrin nasib qildi.
Tanlov gʻoliblariga diplomlar, sertifikatlar, qimmatli sovgʻalar va Oʻzbekiston Milliy kutubxonasining esdaliklari topshirildi.
J. SAʼDULLAYEV tayyorladi.
