Buxoro viloyati, Vobkent tumani, Shanba MFY hududidagi 27-sonli maktabda qator tashkilotlar hamkorligida «Besh tashabbus — besh qanot» loyihasi doirasida mahalladagi aholi va yoshlarni maʼnaviy ongini yuksaltirish maqsadida mamlakatimiz Prezidenti koʻtargan besh tashabbusning barcha muhim yoʻnalishlari boʻyicha madaniy-maʼrifiy tadbir tashkil etildi.
Tadbirda sanʼat va madaniyat sohasida mahalla aholisiga konsert dasturlari uyushtirildi. Sport yoʻnalishi boʻyicha yoshlar oʻrtasida mini futbol, stol tennisi, shaxmat-shashka, voleybol turlari boʻyicha bellashuv tashkil etildi. Kitobxonlik yoʻnalishida yangi asar taqdimotlari va «Men sevgan asar» shiori ostida tanlov, yosh xotin-qizlarni bandligini taʼminlash boʻyicha mehnat yarmarkasi tashkillashtirildi. Boʻsh ish oʻrinlari bilan tanishtirilib, bir-necha xotin-qiz ishga joylashtirildi.
Tadbir soʻngida faol qatnashgan yoshlarga tuman hokimligi hamda Oʻzbekiston yoshlar ittifoqi Vobkent tuman Kengashi tomonidan diplom va esdalik sovgʻalari topshirildi.
