Fargʻona viloyati tarixi va madaniyati davlat muzeyida Oʻzbekiston Respublikasi Birinchi Prezidenti Islom Abdugʻaniyevich Karimov tavalludining 80 yilligi munosabati bilan muzey koʻrgazmasining ochilish marosimi boʻlib oʻtdi.
“Oʻzbekiston Respublikasi Birinchi Prezidenti I. A. Karimov” nomli foto va kitoblar koʻrgazmasining ochilish marosimida Fargʻona shahrining bir qator oʻquvchi-yoshlari ishtirok etishdi.
Koʻrgazmada Islom Abdugʻaniyevich Karimovning hayoti va faoliyatiga oid fotosuratlar namoyish etildi. Koʻrgazma markazida Islom Karimov tomonidan Fargʻona halqiga Mustakillikning bir yilligi munosabati bilan sovgʻa qilingan katta chinni koʻza namoyish etilmoqda. Shuningdek, koʻrgazmadan Prezident asarlari toʻplami, prezident haqidagi kitob, jurnal va gazetalar joy olgan.
Muzey ilmiy xodimi Z.Axmedova koʻrgazma ishtirokchilariga Prezidentning hayoti va uning serqirra faoliyati, Mustaqilligimiz asoschisining Prezidentlik davrida mamlakatimiz qanday yutuqlarga erishganligi, uning Fargʻona viloyatiga tashrifi toʻgʻrisida maʼlumotlar bilan tanishtirib oʻtdi. Shuningdek, tadbir davomida tomoshabinlarga Mustaqillik ekspozitsiyasi boʻylab mavzuli ekskursiya oʻtkazildi.
Oʻzbekiston Respublikasi Madaniyat vazirligi matbuot xizmati
