Чусовитина барчани ҳайратлантиришда давом этади. Бу сафар у Доҳада чемпион!

0
35
марта кўрилган.

Ҳамюртимиз Оксана Чусовитина бу сафар Қатар пойтахти Доҳа шаҳрида бўлиб ўтаётган жаҳон кубоги баҳсларида иштирок этмоқда.

Тажрибали спортчимиз 23-март бўлиб ўтган баҳсларда ҳам ўзига билдирилган ишончни оқлай олди ва олтин медаль соҳибига айланди. У ўзининг севимли йўналиши – таяниб сакраш баҳсларида 14,433 балл жамғариб, шоҳсупанинг энг юқори поғонасидан ўрин эгаллади. Кумуш медаль КХДР вакили Пьён Рё Йонгга насиб қилган бўлса, бронза медалига франциялик Колин Девилард эга чиқди.   
 
Маълумот учун, Дохадаги жаҳон кубогида 39 мамлакатдан 160 нафар спортчи иштирок этмоқда. Уларнинг 101 нафари эркаклар ўртасидаги баҳсларда қатнашаётган бўлса, 59 нафари аёллар ўртасидаги мусобақада ўз омадини синаб кўрмоқда.
 
Эслатиб ўтамиз, Чусовитина ўтган ҳафтада Озарбайжон пойтахти Боку шаҳрида ўтказилган жаҳон кубоги баҳсларида олтин ва бронза медаллари соҳибига айланганди.
 
Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.