Жорий йилнинг 2 ноябрь куни Давлатимиз раҳбари раислигида аҳолини уй-жой билан таъминлаш ҳамда яшил майдонларни кенгайтириш юзасидан видеоселектор йиғилиши ўтказилиб, унда “Яшил макон” умуммиллий лойиҳасини амалга ошириш ва 10 декабрга қадар дарахт экиш бўйича “Долзарб 40 кунлик” эълон қилинганди.
Бу лойиҳа доирасида йилига 200 миллион туп дарахт ва бута кўчатларини экиш, шу орқали шаҳарлардаги яшил майдонларни ҳозирги 8 фоиздан 30 фоизга ошириш режалаштирилган.
Шу муносабат билан Ўзбекистон Журналистлари ижодий уюшмаси “Яшил макон” умуммиллий лойиҳасида соҳа вакилларининг ҳам муносиб ҳисса қўшишини таъминлаш мақсадида “Долзарб 40 кунлик” акциясини қўллаб қувватлади. Бугун 14 ноябрь куни бир қатор фаол ОАВ вакиллари билан Тошкент шаҳри Боғишамол кўчасида кўчат экиш тадбирини уюштирди.
