Oʻzbekiston futzal terma jamoasi Xitoy Taypeyida oʻtkazilgan Osiyo chempionatida bronza medallarini qoʻlga kiritdi.
Bahodir Ahmedov boshchiligidagi Oʻzbekiston terma jamoasi bugun uchinchi oʻrin uchun oʻtkazilgan oʻyinda Iroq terma jamoasiga qarshi bahs oʻtkazdilar.
Dramatik kechgan oʻyinning asosiy daqiqasida 4:4 hisobi qayd etildi. Penaltilar seriyasida esa hamyurtlarimiz 2:1 hisobida gʻalaba qozonib, qitʼa birinchiligining bronza medallari egasiga aylandilar.
Oʻzbekiston Milliy olimpiya qoʻmitasi Matbuot xizmati
