Хоразм вилояти қўғирчоқ театри нафақат вилоятда, балки республикада ҳам машҳур. Мамлакатимизда бўладиган тадбирларда фаол қатнашиб келишади.
Унинг ижодкорлари мактаб ва мактабгача таълим муассасаларига тез-тез чиқиб болаларни хушнуд қилишади. Театр ижодкорлари Хива тумани 19-сон умумий ўрта таълим мактабида “Карвон сарой буюк ипак йўлида” спектаклини намойиш этишди. Ўқувчи-ёшларда спектакл яхши тассурот қолдирди.
Шунингдек, Хива тумани 12-сон умумий ўрта таълим мактабида ўтказилган маънавий-маърифий тадбирда қўғирчоқ театрининг иқтидорли актёрлари миллий қўғирчоқлар ҳамда эртак қахрамонлари қиёфасида ўқувчиларга турли чиқишлар намойиш этдилар. Ўзига хос бу санъат болаларда катта қизиқиш уйғотди.
Мафтуна РЎЗИМАТОВА
