Xorazm viloyati qoʻgʻirchoq teatri nafaqat viloyatda, balki respublikada ham mashhur. Mamlakatimizda boʻladigan tadbirlarda faol qatnashib kelishadi.
Uning ijodkorlari maktab va maktabgacha taʼlim muassasalariga tez-tez chiqib bolalarni xushnud qilishadi. Teatr ijodkorlari Xiva tumani 19-son umumiy oʻrta taʼlim maktabida “Karvon saroy buyuk ipak yoʻlida” spektaklini namoyish etishdi. Oʻquvchi-yoshlarda spektakl yaxshi tassurot qoldirdi.
Shuningdek, Xiva tumani 12-son umumiy oʻrta taʼlim maktabida oʻtkazilgan maʼnaviy-maʼrifiy tadbirda qoʻgʻirchoq teatrining iqtidorli aktyorlari milliy qoʻgʻirchoqlar hamda ertak qaxramonlari qiyofasida oʻquvchilarga turli chiqishlar namoyish etdilar. Oʻziga xos bu sanʼat bolalarda katta qiziqish uygʻotdi.
Maftuna ROʻZIMATOVA
