Oliy va oʻrta maxsus taʼlim vazirligining telegramdagi rasmiy kanaliga koʻra, endilikda OTMlarga hujjat topshirishda 086-U-shakl boʻyicha tibbiy maʼlumotnoma talab qilinmaydi.
Cirtqi taʼlimga hujjatlar 1 iyuldan 30 iyulgacha qabul qilinadi.
Kirish imtihonlari 16 avgustdan 25 avgustgacha kamida 3 ta fandan oʻtkaziladi.
Yozma imtihonlar shifrlangan holda tekshiriladi.
Imtihonlar bakalavriat taʼlim yoʻnalishlariga muvofiq keluvchi 3 ta fandan toʻplanishi kerak boʻlgan maksimal 189,0 balldan, har bir fanning oʻrniga qarab uning uchun ajratilgan eng koʻp ballning 0 dan 100 foizgacha boʻlgan oraliqda baholanadi.
Natijalar imtihondan keyin 1-3 kunda taʼlim muassasasining rasmiy saytida eʼlon qilinadi.
Shuningdek, OTMlariga davlat buyurtmasi asosida oʻqishga qabul qilishning parametrlari tasdiqlanib, bakalavrlar tayyorlash boʻyicha kunduzgi taʼlim shakliga – 80 430 nafar, sirtqi taʼlim shakliga – 19 985 nafar, kechki taʼlim shakliga –1 985 nafar; magistrlar tayyorlash boʻyicha – 7 695 nafar talaba qabul qilinadi.
