Ўзбекистон Республикаси Президенти Шавкат Мирзиёев Нукус шаҳридаги “Имом Эшон Муҳаммад” масжидига борди. Давлатимиз раҳбари ўтган сафарги ташрифи чоғида бу масканни комплекс реконструкция қилиш тўғрисида топшириқ берган эди. Бугун бу ерда реконструкция ишлари тўлиқ ниҳоясига етказилган. Президент “Имом Эшон Муҳаммад” масжидида аҳоли учун яратилган шарт-шароитни кўздан кечириб, оқсоқоллар билан суҳбатлашди.
