Prezident Administratsiyasi rahbari Sardor Umurzakov boshchiligida oʻtkazilgan selektor yigʻilishida kuni kecha Toshkent shahrida roʻy bergan va aholining keskin noroziligiga sabab boʻlgan daraxtlarning nobud qilinishi masalasi qattiq tanqid ostiga olindi, deya xabar beradi Prezident matbuot kotibi Sherzod Asadov.
Prezident topshirigʻiga asosan Toshkent shahar Chilonzor tumani hokimi Sh.Mavlonov va prokurori I.Bozorov lavozimidan ozod etildi.
Shuningdek, masʼuliyatsizlikka yoʻl qoʻygani uchun poytaxt hokimi J.Ortiqxoʻjayevga va prokurori U.Qosimovga qattiq hayfsan berildi.
Albatta ushbu chora inson omili hamma narsadan ulugʻligini aks ettiradi. Yangi Oʻzbekiston yangi islohotlar davrida amalga oshirilayotgan inson, jamiyat, davlat tamoyilini oʻzida ifoda qiladi.
