Oʻzbekiston Xotin-qizlar qoʻmitasi tomonidan hamkor tashkilotlar bilan birgalikda Turin politexnika universitetida tashkil etilgan Ixtirochi xotin-qizlarning innovatsion tadbirkorlik haftaligi kreativ gʻoyalarga boy, epchil, tadbirkor xotin-qizlarning oʻzaro fikr va tajriba almashishi uchun muhim maʼrifiy maydon vazifasini oʻtadi.
Tadbirda oʻz tadbirkorlik faoliyatini boshlamoqchi boʻlayotgan 200 dan ortiq xotin-qiz oʻz biznes gʻoyasi bilan ishtirok etdi.
Ixtiro, foydali model, sanoat namunasi va tovar belgilarining huquqiy muhofazasi boʻyicha oʻquv mashgʻulotlari, tadbirkorlik faoliyatini boshlashi uchun biznes-seminarlar oʻtkazildi. Tajribali tadbirkorlar tomonidan amaliy mashgʻulotlar hamda davra suhbatlari tashkil etildi.
Haftalik doirasida “Oʻzbekiston ayollarining 100 ta eng yaxshi innovatsion loyihasi” birinchi Respublika tanlovi gʻoliblarining taqdimoti ham koʻpchilikda katta qiziqish uygʻotdi.
Haftalik yakunida faol qatnashchilarga Oʻzbekiston Xotin-qizlar qoʻmitasining sertifikatlari topshirildi.
