Toshkent shahar «Bilim» axborot-kutubxona markazida ham 2022 yil 18 aprel kuni «Kitobsevar millat» shiori ostida II Respublika «Kitobxonlik haftaligi»ga start berildi.
Ushbu haftalik Oʻzbekiston Respublikasi Vazirlar Mahkamasining 2020 yil 14 dekabrdagi –«2020-2025 yillarda kitobxonlik madaniyatini rivojlantirish va qoʻllab-quvvatlash milliy dasturini tasdiqlash toʻgʻrisida»gi 781-sonli qarori ijrosini taʼminlash maqsadida oʻtkazilmoqda.
Ushbu haftalik doirasida «Kitob-maʼnaviyatimiz xazinasi» nomli maʼnaviy-marifiy tadbirda soʻzga chiqqanlar kitobsevarlarga haftalikning ahamiyati, mamlakatimizda kitob mutolaasiga boʻlgan eʼtiborning oshganligi, shu jumladan, yoshlar oʻrtasida kitobxonlik madaniyatini oshirish davr talabi ekanligi, kitobga oshno inson hech qachon oʻzligini yoʻqotmasligini taʼkidlab oʻtdilar.
Oʻzbekiston Yozuvchilar uyushmasi aʼzosi, adabiyotshunos olim, professor A. Olimbekov oʻz nutqida kitob eng yaqin sirdosh va doʻst ekanligini rivoyatlar asosida gapirar ekan, bolalik yillarida kitobga boʻlgan qiziqishlari kuchli boʻlganligi, bugungi yutuqlari natijalari ana shu tufayli ekanligini qayd etdi.
Toshkent shahar Olmazor tumani Diniy ishlar qoʻmitasi mutaxassisi A. Qayumov maʼnaviyatimiz bulogʻi boʻlgan kitoblarning yoshlar hayotidagi oʻrni, oilalarda kitobga qiziqish, mutolaga boʻlgan savodxonligini oshirish borasida amalga oshirilayotgan ishlar haqida fikr-mulohazalarini bildirdi.
Xalq taʼlimi aʼlochisi, pedagog, ijodkor X. Sadinova bolalik yillari, kitobga boʻlgan muhabbatiga oilaviy muhit sabab boʻlganligi, hayotda erishgan yutuqlarida kitobning ahamiyati katta boʻlganligini samimiy soʻzlab berib ijod namunalaridan oʻqib berishi ishtirokchilarda katta taasurot qoldirdi.
Tadbir davomida Oʻzbekiston Respublikasi maʼnaviyat va maʼrifat markazi Olmazor tuman boʻlimi rahbari M. Aliboyeva soʻzga chiqib haftalik doirasida joylarda oʻtkaziladigan tadbirlar va ularning yoshlar hayotidagi oʻrni haqida soʻzladi.
Olmazor tumanidagi “”Qichqiriq”, «Islom ota» , «Paxta» MFY larning kitobsevar aholisi, 233- sonli umumtaʼlim maktabi oʻquvchi yoshlari ham tadbirda faol ishtirok etishdi.
Tadbir ishtirokilariga, kitobsevarlarga «Kitobxonlar uchun YANGI asarlar koʻrgazmasi» namoyishi boʻlib, unda adabiyotshunos olim A.Olimbekovning «Yulduzning besh qirrasi» asari taqdimoti oʻtkazililishi, savol javoblar tariqasida boʻlganligi yanada tadbirga mazmun-mohiyat bagʻishladi.
Tadbir soʻngida Olmazor tumani 423-DMTT tarbiyalanuvchilari ijrosidagi kuy va qoʻshiqlar tadbir ishtirokchilari koʻnglida koʻtarinkilik uygʻotdi.
Xaftalik doirasidagi qiziqarli va mazmunli tadbirlarimiz 22 aprelgacha davom etadi. Dasturimizdan oʻrin olgan qiziqarli maʼnaviy-maʼrifiy tadbirlar, «Zakovat» bilimdonlar bellashuvi, YANGI kitoblar taqdimoti va sevimli shoirlar, yozuvchilar bilan uchrashuvlar oʻrin olgan.
Aziz kitobxonsevar yoshlar va barcha yurtdoshlar, sizlarni kutubxonamizda kutib qolamiz!
H.KARIMOVA, Toshkent shaxar «Bilim» axborot-kutubxona markazi direktori
Ajoyib tadbir.