Қашқадарё вилоят ҳокими, Коррупцияга қарши курашиш бўйича вилоят кенгаши раиси Муротжон Азимов жорий йил 9 ойида вилоятда 552 та коррупцион жиноят содир этилганлиги ва бу ўтган йилнинг шу даврига нисбатан 114 тага ошганига тўхталар экан, бошқа бир жиҳатга ҳам эътибор қаратди:
Масалан, қонунчиликда давлат фуқаролик хизматчилари тадбиркорлик фаолияти билан шуғулланиши таъқиқланган бўлсада, ҳокимлик, молия ва ғазначилик бошқармаси ходимларидан 34 нафари тадбиркорлик субъектларида таъсисчи ёки раҳбар сифатида фаолият кўрсатмоқда.
Шундан, 1 таси ҳоким, 16 таси ҳоким ўринбосари, 4 таси ҳисобчи, 3 таси юрист, 1 таси кадрлар тармоғи раҳбари, 2 таси ҳоким ёрдамчиси, 1 таси матбуот котиби (ПҚ-4366 қарор бўйича раҳбар ўринбосарига тенглаштирилган), 2 таси молия бўлими бошлиғи, 4 таси молия ва ғазначилик бўлими бошлиғи ўринбосари ҳисобланади.
Қашқадарё вилоят ҳокимлиги сайти
