Mamlakatimiz gandbolchi qizlari xalqaro musobaqada gʻalaba qozonib, qitʼalararo bosqichida ishtirok etish imkoniga erishishdi.
Toshkentda gandbol boʻyicha “Womenʼs IHF Trophy – Asia Continental Phase” turniri kecha oʻz yakuniga yetdi. 17 va 19 yoshgacha boʻlgan qizlar oʻrtasida tashkil etilgan ushbu musobaqaning har ikki yosh toifasida kechgan bahslarida hamyurtlarimiz gʻalaba qozonishdi.
Aylana tizimida kechgan turnirning soʻnggi bellashuvida oʻsmirlarimiz Bangladesh jamoasini 38:15, yoshlarimiz esa Gonkongni 46:27 hisobida dogʻda qoldirishdi. Qayd etish joiz, mazkur muvaffaqiyat oʻsmirlar va yoshlar jamoasiga “Womenʼs IHF Trophy” turnirining qitʼalararo bosqichida ishtirok etish imkonini taqdim qildi. Unda gʻalaba qozongan jamoalar esa oʻz yosh toifalarida jahon chempionati yoʻllanmasiga ega boʻlishadi.
gujum.uz
