AOKA huzuridagi shtabda Oʻzbekiston Yoshlar ittifoqi raisining birinchi oʻrinbosari Akmal Jumaboyev ishtirokida oʻtkazilgan brifingda Ittifoq tomonidan soʻnggi uch yilda amalga oshirilgan ishlar haqida maʼlumot taqdim etildi.
Oʻtgan 3 yil mobaynida yoshlar siyosati samaradorligiga doir jami 50ta qonun va qonunosti hujjatlari qabul qilindi. Oʻzbekiston Respublikasi Oliy Majlisi Senatida Yoshlar, madaniyat va sport masalalari qoʻmitasi, Qonunchilik palatasida Yoshlar masalalari boʻyicha komissiya va “Yoshlar klubi” tashkil etildi.
Hozirgi kunda bu yoʻnalishdagi ishlar davom ettirilib, Oliy Majlisi Senati va Qonunchilik palataci qoshida “Yoshlar parlamentlari”ni tashkil qilish choralari koʻrilmoqda.
Oʻzbekiston Respublikasi Bosh vaziri raisligida, hududlarda esa hokimlar raisligida Yoshlar masalalari boʻyicha idoralararo kengashlar faoliyati yoʻlga qoʻyildi.
Yoshlar tomonidan ilgari surilgan tashabbuslar asosida 28 ta turli yoʻnalishda nodavlat notijorat tashkilotlari tuzildi.
13 ta xorijiy yoshlar tashkilotlari bilan hamkorlik aloqalari yoʻlga qoʻyildi. Oʻzbekiston 2018 yilda Shanxay hamkorlik tashkiloti Yoshlar kengashiga, 2020 yilda Mustaqil davlatlar hamdoʻstligi Yoshlar masalalari boʻyicha kengashiga teng huquqli aʼzo sifatida qabul qilindi.
Oʻtgan 3 yil mobaynida 641 392 nafar yoshlar bandligini taʼminlashga koʻmaklashildi. 2020 yil yanvar-may oylari davomida 206 373 nafar ishsiz yoshlar bandligi taʼminlandi.
“Yoshlar – kelajagimiz” Davlat dasturi doirasida 7 562 ta biznes loyihaga jami 1 trln. 591,1 mlrd. soʻm miqdorda imtiyozli kredit mablagʻlari ajratish orqali 33 678 ta yangi ish oʻrinlari yaratildi.
Hududlarda 25 ta “Yosh tadbirkorlar” kovorking-markazlari hamda 153 ta “Yoshlar mehnat guzari” komplekslari foydalanishga topshirilib, ularda jami 2 090 ta yangi ish oʻrinlari yaratildi.
Hududlarda 8 636 nafar faol yoshlardan iborat 443 ta “Jasorat” klublari faoliyati yoʻlga qoʻyildi. Ichki ishlar organlari profilaktik hisobida turgan 7 968 nafar voyaga yetmaganlar Yoshlar ittifoqi tavsiyasi asosida maxsus hisobdan chiqarildi.
“Yoshlar kafilligi” asosida 762 nafar yoshlar sud zalidan ozod qilindi.
Hududlarda 25 ta Raqamli texnologiyalar oʻquv markazlari tashkil etilib, “Maʼrifat karvoni” tadbirlari doirasida 3 mln.dan ortiq kitoblar yoshlarga yetkazib berildi, “Yosh kitobxon” tanlovi, “Bir million dasturchi” kabi oʻnlab yirik loyihalar amalga oshirilmoqda.
Oʻzbekiston Respublikasi Oliy Majlisi Qonunchilik Palatasiga oʻtkazilgan saylovlarda 9 nafar (6 foiz) yoshlar deputat etib saylangan boʻlsa, mahalliy kengashlar deputatlarining 10 foizini yoshlar tashkil etadi.
“Mard oʻgʻlon” davlat mukofoti va “Kelajak bunyodkori” medali taʼsis etilib, jami 84 nafar yosh mukofotlandi.
Respublikamiz Qurolli Kuchlari safida muddatli harbiy xizmatni oʻtab, 2018-2019 yillarda taʼlim olayotgan 12 897 nafar talaba-yoshlar uchun jami 36,2 mlrd soʻm, oliy taʼlim muassasalarida aʼlo baholarga taʼlim olayotgan 3 488 nafar talaba-yoshlarning shartnoma toʻlovi uchun 9, 88 mlrd. soʻm mablagʻ toʻlab berildi.
Chin yetim, nogiron, Mehribonlik uyida tarbiyalangan va boquvchisini yoʻqotgan 516 nafar talabalarning 1 mlrd 540 mln soʻmlik toʻlov shartnoma mablagʻlari toʻlab berildi.
Oʻtgan davr davomida 2 668 ta yosh oilalarga “Yoshlar uylari” berilib, 121,3 mlrd soʻm miqdordagi boshlangʻich toʻlov mablagʻlari toʻlab berildi.
Koronavirus pandemiyasi davrida 5 ming nafardan ortiq volontyor yoshlar 397 740 ta xonadonlarga xayriya mahsulotlarini yetkazib berdi.
“Saxovat va koʻmak” umumxalq harakati doirasida yosh tadbirkorlar tomonidan 14 mingta oilalarga 12 turdagi oziq-ovqat mahsulotlari yetkazib berilib, ming nafar ehtiyojmand oilalar otaliqqa olindi.
