Axborot va ommaviy kommunikatsiyalar agentligida 13 noyabr kuni oʻtkazilgan matbuot anjumanida marhum jurnalist Davlatnazar Roʻzmetovning professional faoliyati, kamtarona va xokisor hayoti yodga olib oʻtilgan edi.
Tadbirda Agentlik rahbari Komil Allamjonov marhumning oilasiga moddiy yordam koʻrsatish masalasida tashabbus bildirgandi. Agentlik xodimlari ayni shu masala boʻyicha Xorazm viloyatida boʻldi. Davlatnazar Roʻzmetovning oila aʼzolariga hamdardlik bildirildi.
Agentlik tomonidan marhumning oilasiga oʻquv qurollari, badiiy adabiyotlar hamda moliyaviy mablagʻ taqdim etildi.
Dilbar BEKCHANOVA
