Португалиянинг Алмада шаҳрида ўтаётган дзюдо бўйича Гран-при мусобақасининг 1-куни якунига етди. Унда қатнашаётган Ўзбекистон терма жамоаси кунни 1 та олтин медал билан тугатди.
-66 кг вазн тоифасида юртимиз шарафини ҳимоя қилган Муҳриддин Тиловов кун қаҳрамонига айланди. Қашқадарёлик полвонимиз беллашувдаги барчани, ҳатто финалда икки карра Олимпиада совриндори кореялик Ан Баулни ҳам доғда қолдирди.
Афсуски, -57 кг вазн тоифасида бронза медали учун бўлаётган баҳсда Нилуфар Эрмаганбетова британиялик Некода Смит-Девисга ютуқни бой берди.
Ж. САЪДУЛЛАЕВ
