Portugaliyaning Almada shahrida oʻtayotgan dzyudo boʻyicha Gran-pri musobaqasining 1-kuni yakuniga yetdi. Unda qatnashayotgan Oʻzbekiston terma jamoasi kunni 1 ta oltin medal bilan tugatdi.
-66 kg vazn toifasida yurtimiz sharafini himoya qilgan Muhriddin Tilovov kun qahramoniga aylandi. Qashqadaryolik polvonimiz bellashuvdagi barchani, hatto finalda ikki karra Olimpiada sovrindori koreyalik An Baulni ham dogʻda qoldirdi.
Afsuski, -57 kg vazn toifasida bronza medali uchun boʻlayotgan bahsda Nilufar Ermaganbetova britaniyalik Nekoda Smit-Devisga yutuqni boy berdi.
J. SAʼDULLAYEV
