Buyuk mutafakkir shoir, tarixchi va tarjimon Muhammad Rizo Erniyozbek oʻgʻli Ogahiy tavalludining 210 yilligi munosabati bilan 16-17 dekabr kunlari Xorazm viloyatida ADABIYOT BAYRAMI oʻtkazilmoqda.
2019 yil 16 dekabrda Urganch davlat universiteti Madaniyat saroyida Ogahiy ijodiga bagʻishlangan “Sheʼriyat shohsupasi” tanlovi boʻlib oʻtdi. Unda Urganch Davlat universiteti rektori B.Abdullayev, Oʻzbekiston Yozuvchilar uyushmasi viloyat boʻlimi rahbari G.Ibodullayeva qatnashib, talabalarga ijodiy bellashuvlarda muvaffaqiyatlar tilashdi.
Kechqurun Viloyat Musiqali drama teatrida “Ogahiy yohud taxt va baxt” spektakli namoyish etildi. Tadbirni viloyat Madaniyat boshqarmasi boshligʻi Sh.Yaxshibayev, viloyat musiqali drama teatri direktori D.Ibragimova qisqacha kirish soʻzi bilan ochib, buyuk alloma Ogahiy va uning hayoti va ijodiga bagʻishlangan sahna asarining yaratilishi haqida gapirdilar.
Bugun ertalab Ogahiy yubileyiga kelayotgan mehmonlarni Urganch xalqaro aeroportida tantanali tarzda kutib olish marosimi boʻlib oʻtdi. Tantanalar qadimiy Xiva shahrida davom qiladi.
R. Sapayeva
