Qozogʻistonning Chimkent shahrida oʻq otish sporti boʻyicha oʻtkazilgan Osiyo chempionati oʻsmirlar, yoshlar va kattalar oʻrtasida tashkil etildi.
Unda qitʼamizning 300 nafardan ortiq sara merganlari bahs olib bordi. Yakunda Oʻzbekiston terma jamoasi 5 ta oltin, 11 ta kumush va 5 ta bronza medallariga sazovor boʻldi. Eng ahamiyatlisi, ushbu medallar tufayli umumjamoa hisobida Osiyoda ikkinchi oʻrinni egallashdi.
Sportchilar orasida Nigina Saidqulova 2 ta oltin, Aleksandra Davidova 1 ta oltin va 1 ta kumush, Tokio-2020 Olimpiadasi ishtirokchisi, “Kelajak bunyodkori” medali sohibasi Muxtasar Tohirova 2 ta kumush medalini qoʻlga kiritdi.
Gujum.uz
