Moskva shahridagi “Otrada” ot sporti klubida konkur yoʻnalishi boʻyicha xalqaro musobaqa boʻlib oʻtdi. Unda oʻzbekistonlik chavandozlar ham muvaffaqiyatli ishtirok etishdi.
Musobaqaning birinchi kuni CSI2*-W dasturi vakillari uchun omadli oʻtdi. Unda ishtirok etgan Nurjan Tuyakbayev oltin, Aʼzam Tolibboyev esa kumush medalga sazovor boʻlishdi. Shuningdek, toʻrtinchi va beshinchi pogʻonalarni ham hamyurtlarimiz band etishdi. Shu kuni CSI1* yoʻnalishida oʻz omadini sinab koʻrgan Xurshidbek Alimjonov bronza medalini qoʻlga kiritdi.
Ikkinchi kun dasturida Xalqaro toifadagi sport ustasi Xurshidbek Alimjonov CSI 1*-125 dasturida oltin medalni naqd qildi. Nurjan Tuyakbayev esa CSI2*-W 145 dasturida shohsupaning ikkinchi pogʻonasiga koʻtarildi.
gujum.uz
