Ўзбекистон Республикаси Президенти Шавкат Мирзиёев Дубай шаҳрига амалий ташрифининг ишбилармонлик дастури доирасида 2 декабрь куни ҳамкор компанияларнинг раҳбарлари билан учрашувлар ўтказганлиги ҳақида хабар берилади prezident. uz расмий веб- сайтида.
БААнинг “SWS” компанияси бош ижрочи директори Аҳмад Ал-Шамсий билан компаниянинг Ўзбекистон ҳудудларида сув таъминоти ва сувни тозалаш соҳаларидаги лойиҳаларни қўллаб-қувватлаш ва амалга ошириш, бунда халқаро шерикларни, шу жумладан Франциянинг “SUEZ” ва Япониянинг “Marubeni” компанияларини жалб қилиш борасидаги режалари кўриб чиқилди.
Ўзбекистон Республикаси Президенти “Air Products” компанияси бошқаруви раиси Сейфи Гасемини қабул қилиб, ҳамкорликни, энг аввало, юқори технологик тармоқларда янада кенгайтиришнинг амалий жиҳатлари кўриб чиқилди. Давлатимиз раҳбарига жорий лойиҳаларнинг бориши ва янгиларига тайёргарлик ҳолати тақдимот қилинди.
Ўзбекистон Президенти “Tadweer” компаниясининг бош ижрочи ва бошқарувчи директори Али ал-Даҳерийни қабул қилди. Амирликлар компаниясининг Ўзбекистонда электр энергиясини ишлаб чиқариш лойиҳаларини амалга ошириш, бунда илғор технологик ечимларни жорий қилиш режалари кўриб чиқилди.
