Joriy yilning 5 dekabr kuni Oʻzbek milliy akademik drama teatri binosida yilning kutilgan tadbirlaridan biri Oʻzbekiston Respublikasi Prezidentining “Oʻzbekiston Respublikasi mustaqilligining yigirma olti yilligi munosabati bilan fan, taʼlim, sogʻliqni saqlash, adabiyot, madaniyat, sanʼat, maʼnaviyat va maʼrifat, ommaviy axborot vositalari hamda ijtimoiy sohalar xodimlaridan bir guruhini mukofotlash toʻgʻrisida”gi Farmonining ijrosi yuzasidan munosiblarni taqdirlash marosimi boʻlib oʻtdi.
Mukofotlarni Oʻzbekiston Respublikasi Prezidentining Davlat maslahatchisi Xayriddin Sultonov topshirdi. Ushbu taqdirlash marosimida 49 nafar xodim taqdirlandi. Barchani Davlatimizning yuksak mukofotlari bilan muborakbod etamiz!
