Ўзбекистонда тадбиркорларнинг меҳмонхона бизнесига қизиқиши тобора ортиб бормоқда.
Давлатимиз раҳбари томонидан соҳа ривожи йўлида олиб борилаётган кенг кўламли ислоҳотлар натижасида мамлакатга ташриф буюрувчи сайёҳлар оқими тобора кўпаймоқда. Сайёҳлар оқимининг кескин ортиб бориши ҳудудларда тадбиркорлик субектлари томонидан янги туризм обектлари ташкил этишга туртки бўлиб, жорий йилнинг ўтган даври мобайнида республикада 40 та янги хусусий меҳмонхоналар қурилиб, фойдаланишга топширилди. Бунинг натижасида бугунги кунда мамлакатдаги меҳмонхоналар сони 966 тага етди.
Шунингдек, айни кунларда яна 138 та меҳмонхона бунёд этилмоқда.
Туризмни ривожлантириш давлат қўмитаси матбуот хизмати
