Oʻzbekistonda tadbirkorlarning mehmonxona biznesiga qiziqishi tobora ortib bormoqda.
Davlatimiz rahbari tomonidan soha rivoji yoʻlida olib borilayotgan keng koʻlamli islohotlar natijasida mamlakatga tashrif buyuruvchi sayyohlar oqimi tobora koʻpaymoqda. Sayyohlar oqimining keskin ortib borishi hududlarda tadbirkorlik subektlari tomonidan yangi turizm obektlari tashkil etishga turtki boʻlib, joriy yilning oʻtgan davri mobaynida respublikada 40 ta yangi xususiy mehmonxonalar qurilib, foydalanishga topshirildi. Buning natijasida bugungi kunda mamlakatdagi mehmonxonalar soni 966 taga yetdi.
Shuningdek, ayni kunlarda yana 138 ta mehmonxona bunyod etilmoqda.
Turizmni rivojlantirish davlat qoʻmitasi matbuot xizmati
