Davlatimiz rahbari Shavkat Mirziyoyev AQSH Senati raisi oʻrinbosari, moliya boʻyicha qoʻmitasi raisi Orrin Xetch boshchiligidagi senatorlar bilan muloqot qildi.
Respublikachilar partiyasi aʼzosi boʻlgan Orrin Xetch chuqur bilim va katta tajribaga ega siyosatchi. U 1977 yildan beri senator sifatida hurmat qozongan.
Bu nuroniy inson bilan muloqot samimiy va samarali kechdi. Orrin Xetchning yuksak bilim va tajribasi, kuchli energiyasi Prezidentimizda katta taassurot qoldirdi.
Uchrashuvda mamlakatlarimiz va xalqlarimiz oʻrtasidagi aloqalarni faollashtirish yuzasidan fikr almashildi.
