Turkiya Respublikasining Istanbul shahrida boʻlib oʻtgan 2-teatrlar festivalida Qashqadaryo viloyati musiqali drama teatri “Bobomning orzusi” spektakli bilan ishtirok etib, “Eng yaxshi spektakl libosi” yoʻnalishida taqdirlandi. Spektaklda foydalanilgan quroqli liboslar, soʻzanalar va kashtali doʻppilar xalqaro festivalda eʼtiborga tushdi va eʼtirof etildi.
Spektaklda milliy anʼana, odat va rasm-rusumlarimiz mohiyati folklor tomosha tarzida ifoda etildi. Festival ishtirokchilariga spektakldagi milliy oʻyinlar, jumladan, milliy lapar va raqslar manzur boʻldi. Oʻzbekona qadriyatlar, milliy kuylarimiz sehri, liboslardagi sharqona goʻzallik xalqaro festivalning eng jozibador va eʼtiborga molik jihatlaridan biri boʻldi.
Fesativalda Italiya, Ruminiya, Ukraina, Ozarbayjon, Kipr kabi oʻndan ortiq ,davlat teatrlari va Turkiyaning yettita shahar teatrlari ishtirok etdi.
