Birlashgan Arab amirligining Dubay shahrida para-atletika boʻyicha jahon chempionati davom etmoqda. Kechagi bellashuvlarda hamyurtimiz Safiya Burxonova kumush medal sovrindori boʻldi.
Yadro uloqtirish sektorida F12 yoʻnalishida ishtirok etgan Rio-2016 sovrindori Safiya Burxonova 14.97 metr natija qayd etib, jahon chempionatining kumush medali bilan birga kelasi yilgi Paralimpiya oʻyinlari litsenziyasini ham qoʻlga kiritdi.
Avvalgi kuni esa uzunlikka sakrash bahslarida Doniyor Saliyev jahon chempionatlari rekordini yangilab, Tokio-2020 Paralimpiya oʻyinlari ishtirokchisiga aylangan edi.
Tokio-2020 Paralimpiya oʻyinlarida qatnashish sharafiga erishganlar soni toʻqqiz nafarga yetdi.
J. Saʼdullayev tayyorladi.
