Oʻzbekistonlik dzyudochilar Fransiya poytaxti Parij shahridagi «Katta Dubulgʻa» turnirida ishtirok etishdi.
60kg vazn toifasida tatamiga chiqqan hamyurtimiz Sharofiddin Lutfullayev dastlabki janglarda koreyalik Xarim Li va fransiyalik Sedrik Revolni magʻlub etdi. Yarim finalda braziliyalik Felipe Pelimdan ustun keldi. Oltin medal uchun kechgan bahsda esa afsuski yaponiyalik mashhur sportchi Toru Shishimega yutqazib qoʻydi.
Yakunda hamyurtimiz musobaqaning kumush medali sohibiga aylandi.
Oʻzbekiston Milliy olimpiya qoʻmitasi Matbuot xizmati
