Ayollar oʻrtasidagi S13 klassda 100 metrga chalqancha usulda suzish boʻyicha saralash bahslarida qatnashgan Nigoraxon Mirzohidova finishga 2-boʻlib yetib kelgan boʻlsa, Shohsanamxon Toshpoʻlatova 5-oʻrinni egallab, final dasturida ham ishtirok etish huquqini qoʻlga kiritishgan edi.
Afsuski, final musobaqasida vakilalarimiz sovrindorlar qatoridan joy egallay olishmadi. Shohsanamxon Toshpoʻlatova 1:08.37 soniya natija bilan beshinchi natijani qayd etgan boʻlsa, 1:09.85 soniya bilan Nigoraxon Mirzohidova yettinchi boʻlib marraga yetib keldi.
Musobaqaning keyingi kun dasturlarida ishtirok etadigan sportchilarimizga omadlar tilab qolamiz.
J. Saʼdullayev tayyorladi.
