Слаломда эшкак эшиш бўйича Ўзбекистон терма жамоаси аъзолари Индонезияда бўлиб ўтадиган XVIII Осиё ўйинларига тайёргарликнинг сўнгги босқичини бошлашди.
Тошкент вилоятининг Угам дарёсида ўтказилаётган ўқув-машғулот йиғинларида тўрт нафар спортчимиз – Алибек ва Жонибек Темиргалиевлар, Рамиль Кирпичев ва Абубакир Буканов иштирок этмоқда. Осиё ўйинларида айнан юқоридаги тўрт нафар спортчимиз мураббий Изатилло Раҳматуллаев қўл остида медаллар учун кураш олиб борадилар.
