Slalomda eshkak eshish boʻyicha Oʻzbekiston terma jamoasi aʼzolari Indoneziyada boʻlib oʻtadigan XVIII Osiyo oʻyinlariga tayyorgarlikning soʻnggi bosqichini boshlashdi.
Toshkent viloyatining Ugam daryosida oʻtkazilayotgan oʻquv-mashgʻulot yigʻinlarida toʻrt nafar sportchimiz – Alibek va Jonibek Temirgaliyevlar, Ramil Kirpichev va Abubakir Bukanov ishtirok etmoqda. Osiyo oʻyinlarida aynan yuqoridagi toʻrt nafar sportchimiz murabbiy Izatillo Rahmatullayev qoʻl ostida medallar uchun kurash olib boradilar.
