Сербиянинг Сомбор шаҳрида бокс бўйича аёллар ўртасидаги Миллатлар кубоги якунига етди.
Турнирда иштирок этган Ўзбекистон терма жамоаси аъзоларининг барчаси шоҳсупага кўтарилишгани қувончли воқеа бўлди. Мусобақа давомида ҳамюртларимиз 4 та олтин, 3 та кумуш ва 4 та бронза медалларига сазовор бўлдилар. Яна бир аҳамиятли томони, -50 кг вазн тоифасида жанг қилган Феруза Казакова турнирнинг энг яхши боксчиси деб топилди.
Ғолиб ва совриндорлар Феруза Казакова, Азиза Якубова, Ситора Турдибекова, Азиза Зокирова 50 — 75 кг вазнли қизлар ўртасидаги беллашувда ғалаба қозониб, олтин медал соҳибалари бўлишди. Чарм қўлқоп эгалари Саидахон Раҳмонова, Райҳона Қодирова, Навбаҳор Ҳамидова 48-66 кг вазнлилар билан беллашувда кумуш медални қўлга киритишди. Мухлиса Хушвақтова, Моҳинабону Абдуллаева, Хадичабону Абдуллаева, Олтиной Сотимбоевалар 54 – 81 кг вазнлилар орасида ғалабага эришдилар ва уларга бронза медали насиб этди.
