Парижда бўлиб ўтаётган ёзги Олимпия ўйинларида Ўзбекистон делегацияси медалларини 5 тага етказиб, умумжамоа ҳисобида 35 ўриндан 18-поғонага кўтарилди.
Ёзги Олимпия ўйинларида Ўзбекистон делегацияси бокс бўйича дастлабки медалини қўлга киритди.
-51 кг вазнда Ҳасанбой Дўсматов финалда мезбонлар вакили Билол Беннамага қарши рингга кўтарилиб, 5:0 ҳисобида ғалаба қозонди ва икки карра Олимпиада чемпионига айланди. Андижонлик боксчи Рио-2016да ҳам тенгсиз бўлганди.
Эслатиб ўтамиз, аввалроқ таэквондо бўйича Улуғбек Рашитов ҳам икки карра Олимпия ўйинлари ғолиблигини қўлга киритиб, бу борада биринчи ўзбекистонликка айланганди.
Кун аввалида 45-ўринда турган Ўзбекистон делегацияси Париж-2024даги медалларини 5 тага (3 та олтин, 2 та бронза) етказиб, умумжамоа ҳисобида 18-поғонага кўтарилди.
27 июль куни Франция пойтахтида очилган XXXIII Ёзги олимпия ўйинлари 11 августга қадар давом этади.
Саъдуллаев Жавлон тайёрлади.
