Oʻzbekiston Respublikasi Prezidentining “Sharqshunoslik sohasida kadrlar tayyorlash tizimini tubdan takomillashtirish va ilmiy salohiyatni oshirish chora-tadbirlari toʻgʻrisida” 2020-yil 16-apreldagi qarori asosida Toshkent Davlat sharqshunoslik universitetida sharq tillari oʻqitiladigan taʼlim muassasalari oʻqituvchilari uchun doimiy faoliyat yurituvchi qayta tayyorlash va malaka oshirish kurslari tashkil etildi.
Kecha Qayta tayyorlash va malaka oshirish kurslari oʻquvidan muvaffaqiyatli oʻtgan dastlabki qaldirgʻoch pedagog kadrlarning bitiruv tadbiri boʻlib oʻtdi.
«Sharq tillari» boʻyicha malaka oshirgan bir guruh ustozlarga qarorda belgilangan namunadagi sertifikat topshirildi. Bitiruvchilar universitet rektori G. Rixsiyeva tomonidan taqdirlanishdi.
Nodira SAʼDULLAYEVA, Toshkent davlat sharqshunoslik universiteti oʻqituvchisi
