Toshkent Davlat sharqshunoslik universitetida Zahiriddin Muhammad Bobur tavalludining 538 yilligi munosabati bilan Mumtoz filologiya va adabiy manbashunoslik kafedrasi talabalari ishtirokida «Boburni sogʻinib» nomli adabiy tadbir boʻlib oʻtdi.
Unda Zahiriddin Muhammad Bobur hayoti va ijodiy faoliyatiga bagʻishlangan qisqa va qiziqarli maʼruzalari bilan professor Q.Sodiqov, dotsent M.Eshmuhamedova chiqish qildilar.
Talabalar ishtirokida Bobur gʻazallaridan namunalar tinglandi, allomaning hayot yoʻlini yorituvchi sahna koʻrinishi ijro etildi.
Shuningdek, Bobur gʻazallaridan iborat kuy-qoʻshiqlar yangradi. Isteʼdodli yosh xonanda Oʻlmas Olloberganovning alloma gʻazallari asosidagi ashulalari barchaga maʼqul keldi.
Tadbir talabalar uchun qoʻshimcha dars boʻldi, barchada katta tassurot qoldirdi.
Nodira SAʼDULLAYEVA, Toshkent Davlat sharqshunoslik universiteti oʻqituvchisi
