Navroʻz bayrami Xorazm viloyatida ham keng nishonlandi. Har bir tumanda boʻlib oʻtgan tadbir tomoshalarida tumanning oʻziga xos jihatlari yaʼni ijtimoiy-iqtisodiy yutuqlari, milliy qadriyatlari, tarixi, allomalari sahnalashtirilgan tarzda koʻrsatib berildi.
Jumladan, Xiva tumani bayramida Xiva xoni Feruzxonning hayoti hamda ijodi oʻz ifodasini topgan sahnalar namoyish qilindi. Feruzxon xos navkarlari bilan qadimiy Xivaga kelgan mehmonlarni kutib oldi.
Shuningdek, milliy taomlar, hunarmandchilik mahsulotlari koʻrgazmalari, Xivaga kelgan xorijlik sayyohlar, mehmonlar uchun kelin salomi ijro etildi.
Xiva tumani eng yaxshi milliy taomlar nominatsiyasi boʻyicha viloyat hokimining diplomi va esdalik sovgʻalari bilan taqdirlandi.
Malika ISMOILOVA
