“INFOLIB O’ZBEKISTON-2021” X Milliy axborot-kutubxona haftaligi doirasida Oʻzbekiston Milliy kutubxonasining “E-line Press” kompaniyasi bilan hamkorlikda fan, taʼlim va biznesda jahon axborot resurslari taqdimoti boʻlib oʻtdi.
Tadbirda mamlakatimizning axborot-kutubxona markazlarining rahbarlari va mutaxassislari ishtirok etishdi.
Taqdimotdan koʻzlangan maqsad – fan, taʼlim, madaniyat va biznes sohalarida elektron axborot resurslarini rivojlantirish boʻyicha samarali va amaliy hamkorlik qilish uchun kutubxonalar, taʼlim va ilmiy tashkilotlar faoliyatini faollashtirishdan iborat.
Ushbu tadbirda koʻplab xalqaro va xorijiy tashkilotlarning yetakchi mutaxassislarining maʼruzalari tinglandi.
Shuningdek, tadbir doirasida xorijiy maʼlumotlar bazasidan eng faol foydalangan kutubxonalarni taqdirlash marosimi ham oʻtkazildi.
Tahliliy bellashuvda Toshkent shahar «Bilim» axborot-kutubxona markazi 1- oʻrinni egalladi. Toshkent tibbiyot akademiyasi axborot-resurs markaziga 2- oʻrin nasib qildi. Andijon tibbiyot instituti axborot-resurs markazi esa 3- oʻringa munosib topildi.
Peshqadamlar qimmatbaho sovgʻalar bilan taqdirlandilar.
GUJUM.UZ
