Yangi yil arafasida Xiva shahar Davlat xizmatlari markazi yangidan qurilib, butunlay oʻzgacha ruhda barpo etildi.
Unda siz milliylik va zamonaviylikning uygʻunlashganligining guvohi boʻlasiz. Keng va yorugʻ xonalar, naqshinkor devor, markazga kelgan har bir kishini oʻziga jalb etmasdan qolmaydi.
Binoda murojaat qiluvchi aholiga barcha qulayliklar yaratib qoʻyilgan boʻlib, investorlarni kutib olishga moʻljallangan muzokara zali, kitobxonlar uchun kutubxona, yosh bolasi bilan kelgan onalarga yaratilgan sharoitlar, oʻyinchoqlar bilan toʻldirilgan maxsus xona mavjud. Ovqatlanish xonasida esa oʻzbek mentalitetiga xos boʻlgan supa joylashtirilgan boʻlib, orom olish imkoniyati yaratilgan boʻlib, bu yerga kelgan yoshu-qarini oʻziga chorlaydi.
Ushbu sharoitlarning bari Xiva shahrida istiqamat qilayotgan 91 mingdan ziyod aholining davlat xizmatlaridan koʻngli toʻlib va unumli foydalanishlari yoʻlida qilinayotgan sayʼ-harakatlardir.
Shu paytgacha ularga 36 mingdan ortiq xizmatlar koʻrsatilgan boʻlib, shundan 1030 ga yaqini sayyor tartibda amalga oshirildi.
Maftuna Roʻzimatova,
Davlat xizmatlari agentligi Xorazm viloyati
boshqarmasi Jamoatchilik va OAV
bilan aloqalar shoʻbasi yetakchi maslahatchisi.
