Италияда велошоссе бўйича “Тrofeo Ponente in Rosa” кўпкунлик пойгаси ниҳоясига етди. Мазкур мусобақа Ўзбекистон терма жамоа аъзоси Янина Кускова учун муваффақиятли ўтди.
Якунловчи бешинчи босқичда Кускова учинчи бўлиб марра чизиғини кесиб ўтди. Бу натижа орқали спортчимиз мусобақани умумий ҳисобда иккинчи ўринда якунлади. Янина бу борада фақатгина моунтинбайк йўналишидаги Токио-2020 Олимпиадаси чемпиони швейцариялик Ёланда Неффдан ортда қолди, холос.
Шунингдек, Кускова мусобақанинг “Энг яхши ёш пойгачиси” йўналишида ҳам ғалаба қозонди. У Париж-2024 Олимпиадаси йўлланмаси учун қимматли рейтинг очколарини ҳам ўз ҳисобига ёзиб қўйди.
GUJUM. UZ
