Yaqinda Respublika Milliy matbuot markazida Oʻzbekiston Jurnalistlari ijodiy uyushmasi qoshidagi Yosh jurnalistlar kengashining yigʻilishi boʻlib oʻtdi.
Tadbirda Oʻzbekiston Jurnalistlari ijodiy uyushmasi qoshidagi Yosh jurnalistlar kengashi raisi, “Yoshlar ovozi” gazetasi bosh muharriri F.Karimov, “Jamiyat” gazetasi bosh muharriri B.Shukurov hamda OAVda xizmat qilayotgan yosh jurnalistlar, jurnalistika fakultetlari talabalari ishtirok etishdi.
Anjumanda soʻzga chiqqanlar, bugungi oʻzbek jurnalistikasi faoliyati, unda yosh jurnalistlarning oʻrni va taʼsiri, sohadagi yutuq va kamchiliklarga alohida toʻxtalib, talab va takliflar atroflicha oʻrganildi. Yosh jurnalistlar hamda talabalarning fikr va mulohazalari tinglandi.
Shundan soʻng, kun tartibiga binoan Yosh jurnalistlar kengashi kotibini saylash, faoliyat koʻlami, OAV, internet va ijtimoiy tarmoqlarda kengashning faoliyatini yoʻlga qoʻyish, ixtisoslashuvlar va keyingi galdagi vazifalar, kengashning toʻlaqonli faoliyati yuzasidan kelishib olindi.
Saboµat Sultonova,
Suratlar muallifi — Sholaziz ShOXIDOYEV