- Bosh ogʻrigʻi insonning ruhiy salomatligiga zarar yetkazadi. Statistika maʼlumotlariga qaraganda, migren (vaqti-vaqti bilan tutadigan qattiq bosh ogʻrigʻi) bezovtalik va depressiyaga olib kelishi mumkin. Uyqu muammolariga yoʻliqqan odamlar bosh ogʻrigʻidan koʻproq aziyat chekadi.
Migren – anchagina keng tarqalgan kasallik. Lekin olimlar unga aynan nima sabab boʻlishini haligacha aytib bera olgani yoʻq. Migren xuruji baʼzan 72 soatgacha davom etadi.
Maʼlumki, bu kasallik qisman genetika bilan bogʻliq. Ruhiy siqilish, gormonal oʻzgarishlar, jismoniy faollik, hamda ayrim mahsulotlar migren xurujiga olib kelishi mumkin. Baʼzi mutaxassislar esa bu kasallik miya naychasi va asosiy nerv yoʻlining oʻzaro taʼsiri tufayli yuzaga keladi, deb hisoblaydi. Shuningdek, migren vaqtida serotonin miqdori kamayadi. Ruhiy kasalliklar va migren oʻrtasidagi bogʻliqlikka serotonin muvozanatining buzilishi sabab boʻlishi ham mumkin.
