Goʻdaklardagi yassioyoqlik (ploskostopiye) jiddiy kasallikdek tuyulmasada, xar xil asoratlar kelib chikadi. Ulgʻayganda uzoq yurolmaydigan, tez toliqadigan, boldirlarida kuchli ogʻriqlarni his qiladi. Uni davolasa boʻladimi deb soʻrashadi. Albatta boʻladi!
Unga dori vositalari shart emas. Ota-onaga hafsala va oʻz bolasiga etiborliroq boʻlishi kerak. Buni bola goʻdakligida-yoq boshlasa natijasi samarali boʻladi. Odatda sogʻlom oyoq ost kismining ichki tomoni umumiy ost kismiga nisbatan oʻyiqroq boʻlishi kerak. Yassioyoqlikda ushbu ichki tomon yoʻq boʻladi yoki juda kam qismni tashkil etadi.
Bolalarda yassioyoqlikni oldini olish uchun goʻdak tugʻilgan ilk kunlaridan muolajani boshlash lozim. Bola oyoq ostini mushaklarini chiniqtirib, yengil uqalash lozim.
Shuningdek, nuqtali massaj ham yaxshi samara beradi. Bosh barmoq bilan yengil bosim qilish(tochichniʼy massaj) mumkin. Boldir va tovon mushaklari massajini onalar oʻzlari ham har kuni 10 minutdan qilishi mumkin. Bunda boldirlarni uqalash pastdan yuqoriga qarab amalga oshiriladi.
Shuningdek, goʻdak yura boshlagandan keyin yoz kunlarida tuproq va qumda oyoq yalang yurishga oʻrgatish kerak. Bu tabiiy muolaja yassioyoqlikka foyda boʻlish bilan birga bolaning yerdan kuch olishiga ham imkoniyat yaratadi. Shuningdek, oyoq uchida ham yurishga oʻrgatish kerak.
Yana yassioyoqlikka foyda boʻladigan maxsus oyoq kiyimlar ham bor. Ortopedik poyafzallarni bolaning razmeriga va yil fasllariga qarab maxsus tikib berishadi. Bu ham juda foydali!
Soliyjon BEKCHANOV, tibbiyot fanlari doktori
