Xalq tabobatida va milliy taomnomamizda ushbu giyohdan keng foydalaniladi. Ilk bahorda undan turli xil ovqatlar, pishiriqlar ham tayyorlanadi.
Xalq tabobatida esa 500 gramm shuvoq 6 litr suvda mil-mil qaynatilib, 10 kun 3 mahal 50 grammdan ichilsa, ovqat hazmi buzilganda, jigar, meʼda, taloq, oʻt pufagi kasalliklarida foyda qiladi.
Shuvoq qaynatmasidan 10 kun 3 mahal 50 grammdan parhez bilan ichilsa (parhez: non-choydan boshqa narsa yemaslik), bavosilga davo, bezgakni tuzatadi, ishtahani ochadi, uyquni joyiga keltiradi, gijjalarni tushiradi.
Qaynatmani 15 kun 2 mahal yara-jarohatlarga surtib bogʻlansa, tuzatadi.
Qaynatmasini 10 kun 3 mahal 2 osh qoshiqdan ichilsa, hayzni meʼyoriy holga keltiradi.
Shuvoqning hoʻlligida siqib olingan suvi sariq va istisqo kasalligida 20 kun 3 mahal 1 osh qoshiqdan ichilsa, foyda qiladi.
Qaynatmasini 15 kun 3 mahal 2 osh qoshiqdan och qoringa ichilsa, nafas yoʻllari shamollashi, kamqonlik, revmatizm, bronxial astma va uyqusizlik kasalliklarining oldini oladi.
Shuvoq qaynatmasi meʼda-ichak yoʻli ishini jonlantirib, oʻt ajralishini va meʼda osti bezi faoliyatini kuchaytiradi, ovqat hazmini yaxshilaydi. Ovqat tarkibidagi zararli bakteriya va zamburugʻlarni oʻldirib, yalligʻlanishga qarshi taʼsir koʻrsatadi, markaziy nerv sistemasini qoʻzgʻatib, yurak ishini joyiga keltiradi.Qaynatmani 15 kun 3 mahal 2 oshqoshiqdan ichish kerak.
Yana mutaxassis vrachingiz bilan maslahatlashib olishni unitmang.
Shoira Bekchanova, tibbiyot fanlari nomzodi, oliy toifali vrach
