Oʻzbekiston Respublikasi Prezidentining 2020 yil 30 dekabrdagi “Oʻzbekiston Respublikasining “2021 yil uchun Oʻzbekiston Respublikasining Davlat byudjeti toʻgʻrisida»gi Qonuni ijrosini taʼminlash chora-tadbirlari toʻgʻrisida»gi PQ-4938-son qaroriga koʻra, 2021 yil 1 fevraldan boshlab byudjet muassasalari va tashkilotlari xodimlarining ish haqi hamda stipendiyalar miqdori 1,1 barobarga oshiriladi.
Qarorga asosan 2021 yil 1 fevraldan boshlab Oʻzbekiston hududida:
mehnatga haq toʻlashning eng kam miqdori – oyiga 747 300 soʻm;
bazaviy hisoblash miqdori – 245 000 soʻm;
bola ikki yoshga toʻlgunga qadar bola parvarishi boʻyicha nafaqa — 434 000 soʻm;
kam taʼminlangan oilalarga beriladigan moddiy yordam — 326 000 dan 653 000 soʻmgacha.
14 yoshgacha bolalari boʻlgan oilalarga nafaqa:
bitta bolali oilalarga – 144 100 soʻm
ikkita bolali oilalarga – 238 700 soʻm
uchta va undan ortiq bolali oilalarga — 334 400 soʻm
Qoraqalpogʻiston Respublikasi va Xorazm viloyatidagi muhtoj oilalarga bir martalik moddiy yordam — 434 000 dan 1 085 000 soʻmgacha oshirilishi belgilandi.
Bundan tashqari joriy yilning 1 fevralidan faxriy unvoniga ega pensionerlar uchun toʻlov miqdori Qarorga (http://pfru.uz/) asosan 1.1 barobarga oshirildi.
R. SAʼDULLAYEV, huquqshunos
