Numbeo’ning jinoyatchilik darajasi boʻyicha mamlakatlar reytingida Oʻzbekiston 142 mamlakat ichida 104-oʻrinni egalladi. Mamlakat indeksi 33,68 ni tashkil qildi.
Reytingga koʻra (https://www.numbeo.com/crime/rankings_by_country.jsp), Oʻzbekistonning koʻrsatkichlari Belarus, Qirgʻiziston, Qozogʻiston, Rossiya va boshqa davlatlarga qaraganda yaxshiroq.
Jinoyatchilikning eng yuqori darajasi Venesuela, Papua-Yangi Gvineya va Afgʻonistonga toʻgʻri kelmoqda. Jinoyatchilik eng past darajasi — Qatarda.
Jinoyatchilik darajasi 20 dan past boʻlsa “juda past”, 20 dan 40 gacha boʻlsa «past», 40 dan 60 gacha boʻlsa «oʻrtacha», 60 dan 80 gacha boʻlsa «yuqori», 80 dan yuqori boʻlsa “juda yuqori” deb baholanadi.
