“Fuqarolarning va tadbirkorlik subyektlarining huquqlari kafolatlari yanada kuchaytirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Qonuni (sana:09.02.2022 yil, OʻRQ–752-son) qabul qilingan.
Ushbu Qonunga asosan Oʻzbekiston Respublikasi Mehnat kodeksi 234-moddasining beshinchi qismiga oʻzgarish kiritilgan boʻlib, unga koʻra ayolning bola parvarishi taʼtilida boʻlgan vaqti xammasi boʻlib 6 yil davomida mehnat stajiga qoʻshilishi belgilangan.
Oldingi tartibga koʻra bu muddat 3 yil qilib belgilangan edi.
Savol tugʻilishi mumkin: Nega endi ayollar uch yil bola parvarishi taʼtilida boʻlsa-yu, oʻsha uch yil uchun unga 6 yil mehnat staji qoʻshiladi? Chunki, oldingi huquqiy tartib boʻyicha ayol bola parvarishi taʼtilidan qaytmasidan ikkinchi marta farzandli boʻlsa, u yana bola parvarishi taʼtiliga chiqishi mumkin boʻlar edi. Aytaylik ayol ikki marta tugʻruq taʼtiliga chiqib, 3 yildan olti yil bola parvarishi bilan band boʻlsa xam unga faqat uch yil uchun mehnat staji yozilar edi. Endilikda mana shu muddat oʻzgardi va olti yil qilib koʻrsatildi.
GUJUM.UZ
