Virusologiya ilmiy-tadqiqot instituti direktori va Sogʻliqni saqlash vazirligi bosh infeksionisti Erkin Musabayevning «Gazeta.uz»ga bergan intervyusini bilan tanishing.
Savol: Oʻzbekistonda koronavirus bilan ogʻrigan bemorlar uchun qancha joy kerak? Kasalxonalarimiz qanchalik toʻlgan?
JAVOB: Kasalxonalardagi toʻshaklarning aniq sonini Sogʻliqni saqlash vazirligi biladi, ammo hozir hammasi darz ketmoqda (intervyu nashr etilgan paytda koronavirus bilan davolanayotgan bemorlar soni 3030 nafar edi — tahr.).
Shuning uchun endi imkon qadar tezroq bemorni ambulator davolash usulini yoʻlga qoʻyish kerak.
Bizda simptomlarsiz bemorlarning soni umumiy kasallanganlarning taxminan 60 foizini tashkil qiladi. Dastlab jiddiyroq kasallar koʻp boʻlgan, keyinchalik taxminan ikki oydan keyin asoratlarsiz bemorlar koʻpayib ketgan.
Savol: Odamlar nima uchun 23:00 dan 7:00 gacha fuqarolarga koʻchada va koʻp qavatli binolar mavjud koʻchalarda yurish taqiqlanganini soʻrashmoqda. Ushbu cheklovning sababi nima? Kechasi virus boshqacha harakat qiladimi?
JAVOB: Bu haqda ham men bilan hech kim maslahatlashmagan. Balki bunga soat 23:00 dan 7:00 gacha huquqni muhofaza qilish idoralari uchun karantin talablariga rioya qilinishini nazorat qilish qiyinlashishi sababdir.
Savol: Oʻzbekistonda xotirjamlik uchun koronavirus statistikasini kamaytirishadimi? Yaxshilik uchun yolgʻonning bir turi sifatida.
JAVOB: Bilasizmi… Men aniq aytishim mumkinki, hozirda avvalgidek hech qanday talablar qoʻyilayotgani yoʻq. Agar mahalliy darajada yoki beparvolik oqibati yoki boshqa sabablarga koʻra bunga yoʻl qoʻyilayotgan boʻlsa, demak, statistika ancha past boʻlishi tabiiy.
Ammo har qanday holatda ham, haqiqiy kasallik koʻrsatkichlari va qayd etilgan kasallik koʻrsatkichlari mavjud. Biz hamma narsani sinchkovlik bilan olib borsak ham, har qanday holatda ham qayd etilgan kasalliklar koʻrsatkichi haqiqiy kasalliklar koʻrsatkichidan nechadir foiz past boʻladi. Shuning uchun, ataylab kamaytirish degan narsa yoʻq.
Aytaylik, yaqin vaqtgacha bemorlarda, hatto asoratlarsiz koronavirus holati aniqlangan boʻlsa ham, avtomatik ravishda kasalxonaga yotqizilgan. Agar kasallik asoratlari boʻlmasa, kasalxonada yotishni kim istaydi? Siz xohlaysizmi? Istamaysiz, men ham xohlamayman. Keyin buni roʻyxatdan oʻtkazmaslik uchun qandaydir yashirish ishlari boshlanadi.
